1 қазан Халықаралық қарттар күніне орай , мектеп кітапханашыларының ұйымдастыруымен , жаңа форматта «Керемет батл» ойыны өткізілді.Шараға мектебіміздің 8 сынып оқушылары мен әжелерінен құралған «Асыл әжелер» және «Z буыны» топтары қатысты.Әр топ « Сіз не дейсіз, мен деймін» бөлімінде, әр буын заманының терминдерін түсіндіру тапсырмаларын орындады, ал «Бұл не?» бөлімінде , екі топ әр буын замандарындағы заттарды суреттен тауып, атаулары мен пайдалану түрлерін айтты.. «Жастарға өсиет», «Қарттарға ақ тілек» атты ашық хат жазып, бөлісті. «Ән шырқайық» бөлімінде бір топ ән бастап,келесі топ жалғастырып, қазақ әндері орындалды. « Адасқан сөздер» ойыны барысында ойыншылар , мақалдардың адасқан сөздерін табу арқылы, жасырылған «Атау кере», «Шыбындар әміршісі» кітаптарының мұқабасын құрастырды, осы кітаптарға кітапханашылар шолу жасады. «Ақ дастарханнан дәм татайық» бөлімінде ұлттық және зааманауи тамақтардан дәм татты.
Ұйымдастырушы кітапхана меңгерушісі А.С.Муканова
